مين نحنا ؟

نحنا صبايا و شباب سوريين ملونين، هدفنا الوحيد إنو يوصل صوت السوريين لكل السوريين

بس ع فكرة …

مو مهم “مين نحنا” ، المهم هو “مين إنتوا”

لأنو ببساطة نحنا منكم، و وجودنا هون مؤقت ليبدأ المشروع و يصير هاد المكان ملك للكل …

الهدف هو خلق مساحة حرة الكل بيقدر يحكي فيها براحته ،

مساحة نحكي فيها و كمان نسمع و نتعلم منها، مع إحترام الكل رغم إختلاف وجهات النظر

ع فكرة ، هاد مو راديو !

لكن شو هاد؟

“سوريالي” ببساطة هو صوت طالع من غصة و سكوت طويل

“سوريالي” هو محاولة “فوق واقعية” لتجسيد صوت السوريين بهي المرحلة “الفوق واقعية”

الفكرة البسيطة جداً من المشروع هي خلق منصة بتسع أصوات كل السوريين

خاصة إنو كل المساحات الإعلامية التانية ما بتمثلنا نحنا كسوريين، و ما بتحكي لغتنا و لا افكارنا

إنتوا أصحاب الصوت يلي لازم يوصل ،

فخلوا إدنكم و صوتكم معنا لنكبر هي المساحة مع بعض و نخلي صدى صوت السوريين يوصل لكل العالم