و بــعـــديــــن؟

إيد وحدة ما بتصفق ، من شان هيك نحنا و إنتوا رح نعمل معجزات …
تعوا نأثبت للتاريخ إنو نحنا مو “شعب عابر بوطن مقيم” …

هاد المشروع هو مصنع أمل، و من الممكن يكون أول مكان نحكي فيه براحتنا و يسمعنا الكل من دون “أن يفسد اختلافنا في الود قضية”

اليوم بلشنا كراديو على الانترنت ، و ممكن كتير بعض فترة من اليوم تكون إنت مذيع أو ضيف على شاشة  تلفزيون “سوريالي” يلي كل السوريين بيحضروه …

خلينا نشتغل مع بعض ليكون صوتكم مسموع داخل سوريا على الموجات القصيرة أو على الستالايت

خلينا نحاول ننقل أفكاركم بشكل مباشر بكافة الطرق المتاحة

خلينا نعطي نكهة جديدة موضوعية و بسيطة و حقيقية لكل شي اسمو “أخبار”

خلينا نحكي مع بعض و نسمع بعض، من كبيرنا لصغيرنا، و من مشاهيرنا لأكتر الجنود المجهولين غموضاً بمجتمعنا

خلينا نكون جزء من التغيير و نحكي كل يلي ببالنا …

كونوا جزء من المشروع