رمضان كريم

رمضان كريم … بعجقة السير قبل الإفطار …. والوقفة عند بياع الناعم لو شو ما صار
رمضان مبارك … بالعواصف اللي بتصير ع كل صفرة , و بكل مرة منذكر المحتاج حتى و لو بشق تمرة
رمضان مقبول … بالمسيحي اللي بيصوم لأن رفيقو المسلم عازمو عالفطور…. وتاني يوم بيردللو العزيمة وبيعمللو احلى سحور
رمضان عمران … بالجدل اليومي عن فتة بكرة: بسمنة وللا بزيت؟ و بالحوار يلي بيجيب نتيجة مع كل أهل البيت
رمضان معجوء … بالهدوء ومدفع وقت الادان…. و بأروشة الشوارع بعد ساعة زمان
رمضان سوريالي … بصوت كل المدافع يلي عم تطلع … و التكبير يلي بيلحق صوت كل مدفع
بس ع فكرة … بعد كل رمضان في عيد … و بعد كل ليل خشوع طويل في صبح جديد
راديو سوريالي بيتمنالكم رمضان مبارك و كريم … و انشالله ما يجي رمضان الجاية إلا و وضعنا و وضع البلد بالسليم

تابعوا كل برامجنا الرمضانية بالإضافة لبرامجنا المعتادة بالنكهة الرمضانية

كل سنة و إنتوا بخير!

برامج رمضان 2013 :